Kosova ka pësuar humbja nga Anglia me rezultat 5-3, në kualifikimet për Kampionatin Evropian.
Një humbje që vjen pas 15 ndeshjeve me rezultatet pozitive (10 fitore dhe 5 barazime).
Valon Berisha shënoi dy herë në këtë ndeshje, ndërsa Vedat Muriqi njëherë.
Ndeshja me Çekinë dhe fitorja, kishin bërë që mbrojtja të lodhen nga duelet e shumta, gjë që nga kushtoi ndaj Anglisë.
Redaksia e Telegrafi Sport ka notuar lojtarët që u paraqitën në këtë ndeshje.
Aro Muric 6.5
Të marrësh pesë gola janë shumë, sidomos për një pjesë. Disa prej tyre mund të ishin të evitueshëm. Në pjesën e dytë u këndell duke bërë disa pritje, prej tyre edhe një penallti të Harry Kane.
Mërgim Vojvoda 5.5
Një ditë e keqe për të. Mes tjerësh edhe një autogol, që ia këputi këmbët ekipit.
Amir Rrahmani 5.5
Ishte ndoshta pika më e dobët e mbrojtjes në këtë takim. U vonua në mbulim në dy raste, ku edhe pësuam gola.
Fidan Aliti 6
U mundua por ishte e vështirë përballë sulmuesve me vlerë të Anglisë.
Florent Hadergjonaj 6
Luajti në krahë të majtë në pjesën e parë. Në pjesën e dytë kaloi si mesfushor, pozitë që e luajti mirë.
Besar Halimi 6
Mesfushori që konsiderohet ‘truri’ i ekipit u vu në vështirësi përballë lojtarëve yje të Anglisë. Ai humbte topa në pozita të palakmueshme që ktheheshin në raste për anglezët.
Idriz Voca 5.5
Ndeshje në përgjithësi jo e mirë. Zëvenësimi i hershëm tregon për këtë.
Valon Berisha 8
Zhvilloi ndeshje të mirë. Ai madje shënoi dy herë, secili gol më i bukur se tjetri. Nota tetë është më e larta për këtë takim dhe e meriton ai.
Bersant Celina 6.5
Vrapoi shumë, rrezikoi disa herë, por pa sukses. Në ndeshjet e shkuara ishte më mirë.
Florent Muslija 5.5
Djaloshi i ri luajti për herë të parë nga fillimi për Kosovën. Kjo sic duke e penalizoi, pasi ishte ndeshje e madhe dhe nuk u gjet mirë.
Vedat Muriqi 8
Një gol, dy asistime. Madje edhe penalltinë që ai e gjuajti, vet e fitoi. Ndeshje e madhe e tij, sikurse që kanë qenë këto të fundi.
Leart Paqarada 6
Futet me të filluar pjesa e dytë. Del shpesh në krah dhe harkon, por pa ndonjë rrezik.
Anel Raskaj 6.5
I dha lojës më shumë gjallëri. Pasonte dhe luftonte për cdo top. Ndoshta me këtë mesfushë që kemi meriton më shumë minuta.
Florent Hasani
Luajti pak, duke mos pasur mundësi të bënjë ndonjë ndryshim. Pa notë.
Bernard Challandes 6.5
E pranoi edhe vetë që në pjesën e parë nuk ishte taktika e duhur. Në pjesën e dytë ekipi u kthye, por ishte vonë.
Pesë gola të pranuar peshojnë shumë. /Telegrafi/