Nora Istrefi është padyshim një prej emrave më të komentuar në estradën shqiptare.
Këngëtarja e njohur prej vitesh ka ndërtuar një karrierë të suksesshme në muzikë, por edhe jeta e saj private ka zgjuar gjithmonë kureshtjen.
Artistja është mjaft e ndjekur edhe në rrjetet sociale, ku edhe sjell imazhe të ndryshme për fansat e saj të shumtë.
Edhe së fundmit, Nora ka postuar disa imazhe të reja në llogarinë e saj në Instagram, ku mori vëmendje me formë e mrekullueshme.
Ajo pozoi e veshur me një kostum ngjyrë grim, xhaketë të shkurtër dhe pantallona të gjerë që i përshtati me një bluzë të shkurtër të bardhë.
Veshja ia vuri në pah linjat joshëse të trupit, teksa dukej atraktive si çdo herë tjetër.
Ndërkohë nuk munguan pëlqimet dhe komentet e shumta nga ana e miqve dhe admiruesve të saj.
Ndryshe, kujtojmë që sa i përket muzikës, kënga e fundit e Norës është “Amanet” që solli muaj më parë. /Telegrafi/