Reperi i njohur i skenës muzikore shqiptare, Noizy, përmes një videoje të publikuar në rrjetet sociale, ka treguar koleksionin e tij të veturave.
Në videon e publikuar në Instagram shihen dy vetura Ferrari dhe disa automjete të tjera Mercedes.
“Derisa t’i kesh këto, nuk do ta kthej ‘dissin’, 2008-2018”, ka shkruar Noizy në përshkrim.
Ylli i hip-hopit njihet si një pëlqyes i veturave dhe jo rrallëherë pozon me to dhe imazhet i ndan me ndjekësit e tij.
Sa i përket karrierës muzikore, “A don love?” është një prej projekteve më të fundit që ka lansuar muzikanti nga Shqipëria.
Kënga e publikuar më 21 tetor është bashkëpunim me këngëtaren nga Kosova, Dafina Zeqiri.
Videoklipi i kësaj kënge është shikuar afro dhjetë milionë herë në YouTube. /Telegrafi/
