“Sekret i bukur” është titulli i këngës më të re të Noizyt që e ka lansuar në bashkëpunim me Dj A-Boom.
Projekti është lansuar vetëm në versionin audio, ndërsa publikimi në YouTube është shoqëruar me tekstin e këngës.
Në një postim të mëhershëm në rrjetet sociale, Rigels Rajku kishte thënë se është duke përgatitur materiale shumë të mira muzikore.
“Nuk e keni idenë se çfarë është duke u përgatitur”, kishte shkruar reperi në Instagram.
Sa i përket realizimeve më të fundit, “Superhot” është kënga që Noizy e ka lansuar më 12 prill, po ashtu në versionin audio dhe është dëgjuar dy milionë herë në YouTube deri më tani. /Telegrafi/
