Reperi i popullarizuar i skenës shqiptare, Noizy, ka prezantuar projektin e ri muzikor.
“Kallabllak” mban titullin kënga e re e tij, të cilën e ka kompletuar edhe nga ana vizuale.
Për këtë projekt janë përkujdesur Endi Hoxha dhe Fatlum Nerguti, ndërsa klipi i është besuar Nd Film Production & Cinematic.
Krahas prezencës së miqve të Noizyt, ky videoklip karakterizohet edhe me femra atraktive, vetura dhe vende luksoze.
Kjo këngë e Rigels Rajkut pason pas “Nuk kanë besu”, ku në kanalin YouTube ka mbledhur mbi nëntë milionë shikime.
I njëjti po ashtu po vazhdon të jetë i angazhuar në mbrëmje dhe koncerte të ndryshme muzikore përreth trojeve shqiptare. /Telegrafi/
