Noizy ka bërë të ditur se së shpejti do ta publikojë albumin e ri muzikor, ndërsa përmes njoftimit në rrjetet sociale, i ka publikuar titujt e këngëve që do t’i përmbajë.
Albumi titullohet “Epoka”, ndërsa reperi e ka të qartë se në këtë kohë nuk mund të xhirojë videoklipe, prandaj fillimisht do t’i sjellë këngët në versionin audio.
“Ka ardhur koha për një album. Kërkoj ndjesë që kam munguar nga projektet e albumeve si në fillimet tona, por ju premtoj që ky album sapo nisi diçka që më kishte munguar shumë”.
“E pamundur të xhiroj klipe në këto kohë, por besoj se do të jetë më bukur kështu, sepse të gjithë mund ta imagjinoni videon në mendjen tuaj, duke dëgjuar fjalët dhe meloditë e secilës këngë”.
“Albumi në fillim do të dale në Spotify, më pas shumë shpejt edhe në YouTube. Kur do të dalë albumi? Këto ditë. Dhe e kam një këngë favorite në album dhe e kam sekret”, ka shkruar në njoftimin e tij reperi. /Telegrafi/