Kanë dalë pamje të reja nga incidenti mes Noizyt dhe Cozmanit, të cilat janë kontradiktore me pamjet e lansuara ditën e incidentit.
Një video u publikua në ditën e incidentit nga një afërsi e madhe, ku shihet një person që supozohet të jetë Noizy teksa hedh në tokë një person me një grusht.
Ky person sipas shumë mediave u cilësua të jetë Cozmani, megjithatë, sipas pamjeve të reja, nuk duket kështu.
Reperi i Babastars në pamje të reja të një video të publikuar nga Indeksonline shihet se ka veshje me ngjyrë të gjelbër dhe një kapelë “London”, të cilat nuk i ka personi i cili është grushtuar nga personi që thuhet të jetë Noizy, edhe pse pamjet nuk janë të qarta dhe konfirmuese.
Cozman shihet teksa është arrestuar nga policia e Kosovës, i rrethuar nga disa pjestarë dhe në gjendje mjaft të mirë fizike.
Nga konflikti fizik dhe i armatosur mes Cozman dhe Noizyt kanë mbetur të plagosur Noizy dhe shoku i tij Varrosi, i cili ende po trajtohet në QKUK. /Telegrafi/
Video ku shihet se Cozmani shkon për t’u përleshur prapa veturës (personi me bluzën e gjelbërt në të verdhë, më pas personi që besohet të jetë Noizy godet një person me grusht dhe e rrëzon atë).
