Noizy prej vitesh njihet si një prej reperave të suksesshëm shqiptarë me shumë hite e projekte të ndryshme.
Reperi nga Shqipëria krahas këngëve solo, numëron edhe shumë bashkëpunim me artistë vendorë e ndërkombëtarë.
Ai është mjaft i ndjekur edhe në rrjetet sociale, ku vetëm në Instagram ka mbi 1.7 milion ndjekës, e të cilët i informon për projekte të ndryshme përmes fotografive.
Në një postim që ka bërë këtë herë, Noizy u shfaq më ndryshe se që jemi mësuar ta shohim, reperi shihet pranë makinës, i veshur me kostum elegant.
“Qëllimet e mia kanë qenë më të rëndësishme se nevojat e mia”, ka shkruar reperi sipër imazheve.
Ndërsa, edhe ky sezon veror ishte i ngarkuar me koncerte e mbrëmje muzikore për Noizyn, ai po vazhdon të shijojë suksesin e këngës së fundit, “Mi Amor”, që solli në bashkëpunim me këngëtaren nga Kosova, Dhurata Dora.
Ndërkohë, Noizy përveç karrierës muzikore, ka edhe disa biznese e një nga ta edhe një linjë të personalizuar të veshjeve. /Telegrafi/