Kandidati për kryeministër i Lëvizjes Vetëvendosje, Albin Kurti, ka vizituar pasditen e sotme komunën e Skenderajt.
Gjatë vizitës, një numër i konsiderueshëm i qytetarëve kanë brohitur emrin e ish-presidentit të Kosovës, Hashim Thaçi, ku për këtë është vërejtur edhe një numër i madh i Njësisë Speciale të Kosovës, të cilët i kanë mundësuar Kurtit, të zhvillojë tubimin me qytetarët të cilët e përkrahin atë.
Në disa pamje që kanë rrjedhur në rrjetet sociale, qytetarët po ashtu dëgjohen duke brohoritur edhe “UÇK”, transmeton Telegrafi.
Theksojmë se ish-presidenti i Kosovës, Hashim Thaçi gëzon një përkrahje të madhe nga kjo anë, ndërsa me Kurtin kanë pasur në vazhdimësi kundërshtime të shumta. /Telegrafi/
