Një person ka gjetur vdekjen dhe pesë të tjerë janë plagosur nga të shtënat në një platformë metroje në Bronx, New York, të hënën pasdite.
Sipas mediave të huaja, përcjell Telegrafi, ngjarja ndodhi pak pas orës 16:30 (sipas kohës lokale) në platformën 4 të trenit në stacionin e metrosë Mount Eden në Jerome Avenue.
Autoritetet janë në kërkim për të paktën një të dyshuar dhe deri më tani nuk është bërë asnjë arrestim.
Burimet policore thanë se një nga viktimat, një 34-vjeçar, i cili besohej se ishte një kalimtar i pafajshëm, u dërgua në spitalin St. Barnabas, ku u shpall i vdekur.
NYC Mass Shooting: 1 dead 5 injured in shooting on the platform on Mount Eden subway station in Bronx
Updated 2 hours ago
By Him Dolan
In the Bronx with the storyMOUNT EDEN, The Bronx (WABC) — An investigation is underway after a shooting at a subway station in the Bronx left… pic.twitter.com/txX0AFKvUz
— SubX.News (@SubxNews) February 13, 2024
Gjithashtu, një 28-vjeçar u qëllua në krahun e djathtë, një grua 29-vjeçare u qëllua në fytyrë dhe qafë, një mashkull 15-vjeçar u qëllua në kofshë dhe vesh, një 14-vjeçare ka pësuar një plagë me armë zjarri në këmbë, si dhe është plagosur edhe një mashkull 71-vjeçar.
Të gjithë të plagosurit janë regjistruar në spitale të ndryshme në gjendje të qëndrueshme. /Telegrafi/