Natyra e rrezikshme e misionit historik të SpaceX si shëtitja e parë private në hapësirë ka qenë në fokus për shkak të historive të trazuara të udhëtimeve në hapësirë dhe rreziqeve të tyre.
Ndër fatkeqësitë më famëkeqe që përfshinin astronautët ndodhën më 1 shkurt të vitit 2003, treguesi i parë i së cilës ishte lajmi se anija kozmike Columbia e NASA-s ishte “vonuar” në kthimin e saj në Tokë.
Anija kozmike, e cila ishte nisur nga Qendra Hapësinore Kennedy në Florida pak më shumë se dy javë më parë, me shtatë astronautë në bord, ishte planifikuar të ulej atë mëngjes, shkruan skynews.
Por, ulja nuk ndodhi kurrë.
Columbia, e cila bëri udhëtimin e saj të parë në prill të vitit 1981, u shpërbë mbi Teksas 16 minuta para uljes së planifikuar në Florida, duke vrarë të gjithë ekuipazhin e saj.
Pjesë e ekuipazhit ishin komandanti Rick Husband; piloti William McCool; specialistët e misionit Michael Anderson, Laurel Clark, David Brown dhe Kalpana Chawla; dhe specialisti i ngarkesës Ilan Ramon, i cili ishte astronauti i parë izraelit. /Telegrafi/