Luftanija masive e Rusisë “Admiral Makarov” thuhet se është goditur nga raketat ukrainase duke bërë që ajo të shpërthejë në flakë.
Sipas mediave të huaja, përcjell Telegrafi, luftanija ishte në flakë mëngjesin e sotëm në atë që do të ishte një goditje e re për luftënxitësin Vladimir Putin, sugjerojnë një numër raportesh të pakonfirmuara.
Ajo thuhet se ishte afër “Snake Island” në Detin e Zi, ku po zhvillohej një operacion shpëtimi që përfshinte shumë aeroplanë dhe varka shpëtimi.
Admiral Grigorovich-class frigate of the Russian Navy Black Sea Fleet is reportedly on fire near Zmiiny island in Black Sea. Rescue operation ongoing, multiple aircraft, rescue vessels in the area https://t.co/P3ldY4tlPP #Ukraine pic.twitter.com/pE6OKo9Sek
— Liveuamap (@Liveuamap) May 6, 2022
Deputeti ukrainas Oleksiy Goncharenko ka thënë se anija ishte goditur nga raketat ukrainase.
Ai ka shtuar se anija ishte goditur nga sulmet ukrainase dhe ishte “dëmtuar keq”, por mbeti në det tani për tani.
Në postimin e tij ai ka shkruar: “Po, po, e keni kuptuar mirë gjithçka! Zoti i deteve hakmerret me pushtuesit e Ukrainës”.
Përveç politikanit ukrainas, një numër raportesh të pakonfirmuara thanë se luftanija u godit nga raketa ukrainase pranë uzinës detare Sevastopol në Krime, në Detin e Zi.
“Admiral Makarov” theksohet se është një nga vetëm tre fregatat e klasës së tij aktive në Detin e Zi.
Kjo goditje e re vjen jo shumë kohë pas fundosjes së anijes ruse të Detit të Zi, “Moskva”. /Telegrafi/