Bebe Rexha ka shënuar së fundmi një nga sukseset më të mëdha në karrierën e saj, duke arritur të nominohet në dy nga kategoritë e ngjarjes më të madhe muzikore, “Grammy Awards”.
Rexha gjendet e nominuar në çmimin “Performanca më e mirë duo/grup e zhanrit country” dhe “Artisti i ri më i mirë”, në po të njëjtën kategori në të cilën është listuar edhe shqiptarja tjetër e famshme, Dua Lipa.
Gjersa konkurrenca pritet të jetë e fortë për këtë çmim, dhjetëra njerëz të dashur kanë uruar dy këngëtaret shqiptare për këtë sukses të tyrin, duke arritur të futen edhe në histori.
Rita Ora, këngëtarja me famë botërore e cila tash e sa kohë ka krijuar një miqësi shumë të mirë me Bebe Rexhën, nuk ka nguruar që ta urojë patrioten e saj për këtë çmim.
Ora ka publikuar në InstaStory një imazh të sajin ku shfaqet duke u puthur bashkë me Bebe Rexhën – fotografi e cila ishte realizuar këtë vit në tapetin e kuq të eventit muzikir “MTV Video Music Awards”.
“Krenare me ty Bebe Rexha, fat të mbarë në shkurt”, ka shkruar Rita në mbishkrimin e fotografisë, duke iu referuar faktit se mbrëmja e madhe e ndarjes së çmimeve “Grammy” do të mbahet më 11 shkurt, në Shtetet e Bashkuara të Amerikës.
Se kanë krijuar një miqësi të mirë mes vete, kjo vërehet nga daljet e tyre të shpeshta së bashku në publiku, madje Rita dhe Bebe Rexha, tash e sa kohë janë pjesë e të njëjtit label, “First Acces Entertainment”.
Por jo e njëjta dashamirësi ekziston edhe në raport me Dua Lipën, me të cilën Rita ka qenë gjithnjë e ftohur, dhe nuk janë parë asnjëherë të përshëndeten me njëra-tjetrën. /Telegrafi/
