Capital T feston ditëlindjen e 28-të, ndërsa me këtë rast i ka bërë disa postime në rrjetet sociale, duke përfshirë edhe një fotografi, në të cilën shfaqet pranë pishinës.
Në këtë publikim, reperi e ka treguar figurën trupore dhe suksesin e arritur përmes angazhimeve në palestër dhe mënyrës së shëndetshme jetësore.
Ai ka marrë komplimente të shumta për fizikun e tij nga kolegët, ndërsa edhe boksieri Florian Marku është mahnitur me muskujt e barkut.
Në bazë të lokacionit që e shoqëron publikimin, mësohet se fotografia është bërë në Marrakesh të Marokut.
Trim Ademi ka lindur më 29 shkurt të vitit 1992 në Prishtinë, ndërsa daja i tij, 2po2, e përfshiu në muzikë në moshë shumë të re.
Pikërisht, Besnik Canolli e ka uruar reperin për ditëlindjen e tij përmes publikimit të një fotografie të përbashkët në Instagram.
Capital T e ka bërë edhe një postim tjetër lidhur me ditëlindjen, ku shkruan se tjetrën do ta festojë pas katër vitesh (duke qenë se 29 shkurti është vetëm çdo katër vite për shkak të vitit të brishtë). /Telegrafi/