Drejtoria Rajonale e Policisë në Pejë më datë 02.10.2024, rreth orës 11:45 është njoftuar nga një person se kundërmohej erë si pasojë që i dyshuari mbante shpezё (pula dhe pata).
Në njoftimin për media thuhet se viktima ka lajmëruar edhe inspektorët të cilët kanë dalë në vendngjarje, ku i dyshuari i është drejtuar raportuesit me fjalë kërcënuese.
“Njësitet relevante kanë arrestuar të dyshuarin dhe gjatë kontrollit tek i njëjti është gjetur dhe sekuestruar një pushkë ajrore”, thuhet në njoftim.
I dyshuari pas intervistimit është dërguar në mbajtje për 48-orë. /Telegrafi/
