Një person është gjetur sot pa shenja jete në parkun e qytetit në komunën e Podujevës.
Viktima është mashkull F.E 57 vjeç. Lajmin për Telegrafin e ka konfirmuar zëdhënësja e policisë, Flora Ahmeti.
“Rreth orës 14:00 kemi pranuar informatën se në parkun e qytetit në Podujevë, është një person i shtrirë në tokë. Menjëherë në vend ngjarje kanë dalë njësitet e nevojshme policore si dhe ekipi mjekësor i cili ka konfirmuar vdekjen e tij. Bëhet fjalë për viktimën mashkull F.E 57 vjeç”, ka thënë Ahmeti.
Ajo ka shtuar se aktualisht hetuesit policior janë duke ndërmarrë veprimet e nevojshme për të zbardhur të gjitha rrethanat që lidhen me këtë rast. /Telegrafi/