Mercedes-Benz ka krijuar një seri të veçantë të modelit G për tregun e Amerikës Veriore me emrin G550 Night Star Edition.
Kjo seri do të prodhohet në një sasi të limituar në vetëm 100 njësi.
Modeli karakterizohet me skemën kolor dy-ngjyrëshe, Mystic White dhe Designo Black, transmeton Koha.net. Skema kolor përfshinë një set të rrotave 18-inç me ngjyrë të zezë shkëlqyese.
Mbrojtësi i veçantë i përparmë dhe kapaku i gomës rezervë me ngjyrë të bardhë janë po ashtu pjesë e kësaj pakete.
Në kabinë, ky model karakterizohet me lëkurën Porcelain Nappa, stepët e kuq, si dhe me mbulesat për kokë Designo Black Dinamica.
