Sipas raportimeve, Jules Kounde ka refuzuar Chelsean pasi ka folur me trajnerin e Barcelonës, Xavim për transferimin në Nou Camp.
Klubi londinez kishte rënë dakord për një marrëveshje prej 65 milionë euro me Sevillan për të nënshkruar me mbrojtësin 23-vjeça, me lojtarin që do të nënshkruante një kontratë pesëvjeçare.
Por, Barcelona ka bërë një përpjekje të vonuar për të rrëmbyer lëvizjen – ashtu siç bëri me Raphinhan.
Xavi ka folur me Kounde dhe e ka bindur atë të vonojë një lëvizje te Blutë dhe në vend të kësaj të presë që Barcelona të bie dakord për një transferim, raporton AS.
Kounde thuhet se është i “lajkatuar dhe i emocionuar” nga interesimi i Xavit dhe tani shpreson që Barça të ketë një ofertë të pranuar nga Sevilla.
Mundo Deportivo pretendon se Sevilla ende nuk ka marrë një ofertë, por Barca thuhet se po planifikon një ofertë prej 55 milionë euro për francezin plus bonuse.
Kjo është më pak se oferta e Chelseat dhe mund të refuzohet me Sevillen që thuhet se është e gatshme t’i japë fund sagës së transferimeve dhe të nënshkruajë një zëvendësues për Kounden së shpejti.
Sevilla thuhet se nuk ka pasur asnjë kontakt nga Barça dhe tani është duke pritur që Chelsea të finalizojë dokumentet e nevojshme për të përfunduar transferimin.
Raportimet pretendonin se Barcelona kishte arritur një marrëveshje me Sevillan për të nënshkruar me Kounden, dhe qendërmbrojtësi kishte 99 për qind gjasa të bënte kalimin te Bluagranasit.
Chelsea ka qenë adhuruese afatgjatë e Koundes, pasi u përpoq për herë të parë ta nënshkruante atë verën e kaluar.
Thomas Tuchel ka punuar shumë për të sjellë lojtarë këtë verë dhe foli për nevojën e dëshpëruar për prurje të reja pas humbjes 4-0 të skuadrës së tij ndaj Arsenalit të dielën.
Ai është i shqetësuar se Blutë nuk do të jenë gati për ndeshjen e tyre hapëse të sezonit dhe vonesa në nënshkrimin e Koundes ka të ngjarë të shtojë shqetësimet e tij. /Telegrafi/