Këngëtarja e njohur shqiptare, Genta Ismajli, është mjaft aktive dhe e ndjekur në rrjetet sociale.
Ajo shpesh ndan me ndjekësit fotografi dhe video të ndryshme nga jeta e saj e përditshme, ku në të shumtën e rasteve shfaqet në krahët e të dashurit, Huseyin Usta.
Së fundmi, këngëtarja me prejardhje nga Gjilani publikoi një fotografi në rrjetin social Instagram, ku shfaqej me bikini dhe trupin e formësuar.
Duke treguar mallëngjimin e saj për muajt e verës, Genta njëherësh vuri në pah linjat e saj trupore, të cilat janë rezultat i përkushtimit të saj në palestër.
Fotografia e publikuar nën filtrat bardhë e zi ka marrë vëmendjen e shumë prej ndjekësve të saj, të cilët e kanë komplimentuar bukuroshen për vijën trupore.
Genta dhe i dashuri i saj përndryshe tash e sa kohë po bëjnë një jetë mes Zvicrës, Kosovës dhe Turqisë.
Vitin e kaluar ata deklaruan se gjatë 2021-s kanë planifikuar që të organizojnë dasmën e tyre pas një lidhej gati dy vjeçare. /Telegrafi/