Një notar tha se ai ishte rrethuar nga deri në 50 peshkaqenë në detin Dorset ndërsa stërvitej për përpjekjen e tij rekord për notin më të shpejtë rreth Ishullit të Wight.
Sipas mediave të huaja, përcjell Telegrafi, Oly Rush, 36 vjeç, u nis nga gadishulli magjepsës Sandbanks në Poole për një stërvitje në mesnatë muajin e kaluar kur ai përshkroi ndjenjën e një përplasje të peshkaqenëve për këmbën e tij – vetëm 80 metra larg bregdetit.
Duke u zhytur nën ujë ndërsa shoqja e tij Ashley McPherson, e cila e shoqëroi në një kajak, ndezi një pishtar, ai filloi të merrte fotografi të peshkaqenëve me telefonin e tij të fshehur në një kuti të papërshkueshme nga uji.
Ai pretendon se dhjetëra peshkaqenë të qetë, të cilët janë të zakonshëm në ujërat e Mbretërisë së Bashkuar dhe mund të rriten deri në mbi 1 metër në gjatësi, e rrethuan atë për 15 minuta – dhe madje i “lëpinë” duart dhe këmbët, të cilat nuk ishin të mbuluara me një kostum të lagur.
Por në vend që të largohej larg, Rush – u përfshi në përvojën ‘fantastike’.
Ai tha: “Para se të niseshim unë kisha bërë shaka për sulmin nga peshkaqenë dhe ne ishim duke qeshur për këtë. Ishte noti im i parë gjatë natës, kështu që ishte shumë shqetësuese kur papritmas hasa në diçka në ujë”.
“Kur kuptova se çfarë ishte, thjesht shijova përvojën – ishte fantastike të shihje kaq shumë peshkaqenë në natyrë që silleshin natyrshëm dhe me një shëndet kaq të mirë”. /Telegrafi/
