Këngëtarja e njohur, Nita Latifi, njihet për zërin e saj të mrekullueshëm dhe interpretimet ‘live’.
Gjatë kohës së pandemisë coronavirus, ajo ka argëtuar fansat e saj në rrjete sociale përmes versioneve akustike të këngëve të ndryshme.
Por, këngëtarja ka qenë pasive kohëve të fundit në prurje të projekteve të reja të saj, pasi e fundit, “Juliana, është publikuar para një viti.
Tashmë, përmes një postimi në rrjetin social Instagram, Nita ka bërë të ditur se e ka të gatshme këngën e re, që do të publikohet javën e ardhshme.
“A jeni gati? ‘Majëm’, kënga ime e re që do të dalë javën tjetër” ka shkruar ajo në përshkrimin e videos.
Nita është shfaqur në një vaskë në mes të pyllit, teksa duket se është gjysmë e zhveshur. /Telegrafi/