Pas gjashtë netëve të audicioneve të fshehura në “The Voice of Albania 5”, nis gara e vërtetë.
Tashmë secili nga trajnerët ka formuar grupin e tij me nga 14-të në çdo skuadër.
56-të artistët e përzgjedhur do të përballen me njëri-tjetrin, në këtë fazë që është e dyta.
“Për 4 netët e ardhshme do të jemi me betejat, praktikisht skuadrat kanë punuar me trajnerët përkatës dhe tani vjen momenti që të përballen më të fortët, kundër më të fortëve dhe të fitojë më mi miri. Përgjysmohen të katër skuadrat në “The Voice”, me përjashtime të vogla ku secili prej trajnerëve ka të drejtën të peshkojë, apo të vjedhë një prej anëtarëve të skuadrës kundërshtare nëse mendon se ai duhet të qëndrojë në “The Voice” dhe nuk duhet t’i largohet formatit”, ka thënë Ledion Liço.
Ndryshe Ledionin do ta shohim edhe në eventin e ri të organizuar nga Top Channel, Top Awards./Telegrafi/