Nis Brit Awards 2022: Yjet e muzikës shkëlqejnë me dukjen e tyre në tapetin e kuq

Butrint Avdyli

2 years ago

Yjet e muzikë botërore kanë mbërritur në tapetin e kuq të Brit Awards 2022, në “The O2 Arena” të Londrës të martën mbrëma.

Artistja Maya Jama vuri në pah barkun e saj të tonifikuar në një kostum me prerje te pjesa e barkut, gjersa nuk munguan edhe yjet e tjerë si: Anne-Marie, Ashley Roberts, Tallia Storm dhe Ed Sheeran.

Çmimet Brits kanë ndezur polemika të shumta në media sivjet, pasi në këtë edicion ata kanë hequr nga lista çmimet tradicionale gjinore si “Artistja më e mirë” ose “Artisti i ri mirë”, shkruan DailyMail.

Artistët më të nominuar sivjet në Brit Aards janë: Adele, Ed Sheeran, Little Simz dhe Dave.

Edhe këngëtarja shqiptare me famë botërore, Dua Lipa, është e nominuar në dy kategori: “Artisti/ja më i/e mirë pop/R&B” dhe “Kënga e vitit”, për këngën “Cold Heart” (bashkëpunim me Elton John).

Mirëpo pavarësisht nominimit, artistja me origjinë nga Kosova nuk ka mundur të jetë prezentë sonte (e martë) në mbrëmjen e ndarjes së çmimeve britanike, pasi ajo do të nisë turneun e saj të koncerteve nesër (e mërkurë) në Miami.

Në vazhdim, ju prezantojmë me dukjen e yjeve në tapetin e kuq të Brit Awards 2022. /Telegrafi/