Komediania Nikki Glaser është prezantuesja e edicionit të ardhshëm të Golden Globe Awards.
Glaser do të jetë nikoqire e ceremonisë së 82-të të Golden Globes, në janar 2025.
Glaser tha në një deklaratë, “Jam absolutisht e emocionuar që do të prezantoj Golden Globes. Është një nga netët e mia të preferuara të televizionit dhe tani jam në një vend në rreshtin e parë (në fakt, mendoj se duhet të prezantoj nga skena)”.
Ajo shtoi: “Golden Globes nuk është vetëm një natë e madhe për televizion dhe film, por edhe për komedinë. Është një nga të paktat raste që biznesi i shfaqjes jo vetëm që lejon, por inkurajon veten të tallen me dashuri (të paktën kështu shpresoj). Është një event emocionues, por sfidues sepse është live, i paparashikueshëm dhe përballë yjeve më të mëdhenj të Hollivudit”.
Glaser vazhdoi: “Disa nga shakatë e mia të preferuara të të gjitha kohërave kanë ardhur nga monologjet e kaluara të Golden Globes kur Tina [Fey], Amy [Poehler] ose Ricky [Gervais] kanë thënë saktësisht atë që ne të gjithë nuk e dinim se kishim nevojë, dëshpërimisht. Thjesht shpresoj të vazhdoj në atë traditë (që mund të më anulojë gjithashtu, kjo është me të vërtetë një punë e ëndrrave”.
Ngjarja vjetore, Golden Globes, do të transmetohet të dielën, më 5 janar. /Telegrafi/
