Një video rrëqethëse shfaq momentin kur një person i armatosur nga një veturë në lëvizje, shtie me revole me shoferin e një veture tjetër që gjithashtu ishte në lëvizje.
Ngjarja ka ndodhur në rrugët e Queens të New Yorkut, ku si pasojë e të shtënave viktima ka mbetur i vdekur në vend, transmeton Telegrafi.
Policia e New Yorkut ka zbuluar identitetin e viktimës – Dejuan Brown që voziste një Nissan Maxima i cili u qëllua me breshëri plumbash.
Për të thuhet se ishte anëtar i një bande, dhe për shkak të rivalitetit dhe luftës për territor është likuiduar nga anëtarët e një bande tjetër.
Në anën tjetër, policia ka njoftuar se është vënë në kërkim të vrasësit dhe se po analizojnë pamjet e kamerave të sigurisë që filmuan momentin. /Telegrafi/
