Katy Perry është këngëtarja me më së shumti fitime në vitin 2015.
Sipas revistës prestigjioze Forbes, ajo ka kaluar nga pozita 23-të e vitit të kaluar në numrin një duke fituar 135 milionë dollarë.
“One Direction” është në pozitën e dytë me 130 milionë dollarë të fituar, ndërsa Garth Brooks zë pozitën e tretë me 90 milionë dollarë, transmeton koha.net.
Top-pesëshen me më së shumti fitime prej muzikantëve e përmbyllin Taylor Swift dhe “The Eagles”.
Calvin Harris, Justin Timberlake, P Diddy, Fleetwood Mac dhe Lady Gaga, janë në listën e dhjetë muzikantëve me më së shumti fitime sivjet.
Jashtë top-dhjetëshes befasisht është Beyonce (14) që vitin e kaluar ishte e dyta. Ajo ka fituar 54.5 milionë dollarë.