Shokët e fëmijërisë të presidentit rus Vladimir Putin janë duke formuar një ushtri private të përbërë kryesisht nga huliganët e tifo grupeve të futbollit rus.
Arkady dhe Boris Rotenberg, miq të ngushtë të presidentit rus, raportohet se kanë prezantuar grupin paramilitar të quajtur Espanola që ka marrë emrin nga sponsori Viktor Shendrik, derisa oligarët rusë po bëhen gati në rast se ka një vakum pushteti apo ndonjë luftë civile në Rusi, si pasojë e humbjes së luftës në Ukrainë, transmeton Telegrafi.
Huliganët e tifo-grupeve ruse tashmë janë shënjestruar dhe futur në listën e këtij grupi të armatosur – dhe do të jetë hera e parë që tifozët do të cilësohen si një ushtri private me qëllimin e vetëm – rekrutimin e sa më shumë njerëzve.
“Espanola është krijuar nga huliganët, shumica rusë të Spartakut”, tha një burim për një media ruse.
“Shumë kompani të mëdha po krijojnë ushtritë e veta private tani, dhe ata deshën të krijojnë një të tillë bazuar në Espanola”, shtoi burimi.
Batalioni Espanola përbëhet kryesisht nga mbështetësit ultras të rusëve nga Spartaku i Moskës – që ka mbi 550 burra sipas një vlerësimi të bërë në mars të vitit 2023.
Kjo përfshin 100 operatorë të dronëve kamikazë, pajisjeve të paemëruara që përplasen në objektivat e tyre dhe kanë efektin e një rakete të kontrolluar.
Komandanti i Espanola, Stanislav Orlov i njohur si Spaniard, pati deklaruar më herët se ky grup i vullnetarëve kanë bashkuar forcat me operatorët rusë të ashtuquajturës Republika e Donetskut në lindje të Ukrainës. /Telegrafi/
