Revista e njohur franceze France Football ka zgjedhur deklaratat më emblematike të vitit kalendarik 2017.
Viti 2017 ka qenë i ‘bereqetshëm’ edhe nga deklaratat interesante nga njerëzit e futbollit si futbollistët, trajnerët dhe pronarët e klubeve.
Megjithatë, France Football ka zgjedhur vetëm dhjetë më interesantet e 365 ditëve që lamë pas, ku secila është më emblematike se tjetra.
Disa nga to krijojnë të qeshura, disa tjera kanë thumbime dhe disa tjera janë plot pesimizëm e optimizëm.
Portali juaj Telegrafi më poshtë ua sjell këto 10 deklaratat më interesante të vitit 2017:
Cantona për kalimin e Neymarit nga Barcelona në Paris Saint Germain: “Kur një lojtar 25 vjeçar brazilian, i cili luan në Barcelonë, kalon në ligën franceze për t’u përballur me Guingampin ose Amiensin, çuditem: çfarë bëri ai?”.
Ibrahimovic: “Sa më shumë kohë të kalojë aq më inteligjent bëhem dhe përpiqem të mos humbas energji kur nuk kam nevojë për to. Ndihem pak si Benjamin Button: Unë kam lindur i vjetër dhe do të vdes i ri”.
Shakaja e Payetit në ditën e prezantimit në Marseille: “Unë kam ardhur këtu qartësisht për të bërë shaka me … oops … për të luajtur”.
Thumbimi i gazetarit francez Jean-Pierre Bernes për Vincent Labrune, ish-presidentin e Marseille: “E shoh që tani që kujdeset për Saint-etienne, gjërat janë më të mira, apo jo? Duke parë se sa ka bërë në OM, pyes veten se si ai mund të japë këshilla për klubet e tjera”.
Ranieri i përgjigjet një cicërime ironike të ish trajnerit të Francës, Raymond Domenech, për mënyrën e tij të lojës: “Unë e pranoj kritikën, sepse ato ndihmojnë të rritesh, por gjithashtu varet nga kush. Por, unë nuk pranoj ironi nga kreu i kategorisë tonë. Nuk ka etikë në sjelljen e tij. Unë ndoshta do ta dëgjoja Domenechin nëse flet rreth një autobusit ose teatri. Por, jo për futbollin…”
Guardiola për blerjen e Gabriel Jesus: “Një lojtar është sikurse shalqiri: nuk mund ta dini nëse është mirë deri sa ta preni atë”.
Trajneri i Nancy, Pablo Correa sulmon para lamerave lojtarin e tij Sergej Chernik: “Ai është një portier druri, nuk del kurrë në rivëniet nga këndi”.
Dimitri Lienard, mesfushori i Strasburgit, pas ndeshjes me PSG: “Neymar më tha: “Ju po simuloni”. Unë duhet t’i kisha thënë atij: “I dashur, natyrisht që je yll, natyrisht që mund të bësh gjithçka që dëshironi, por është po aq e qartë që kur të vallëzoni [driblime të stilit Neymar] para meje, unë do dua t’ju lëndojë”.
Geoffrey Jourdren, portieri i Nancy: “Në qoftë se inteligjenca është blerë në supermarket, unë mendoj se të gjithë do ta blejnë atë…”.
Daniele De Rossi: “Sot, kur shoh të rinjtë që përdorin Instagramin në dhomën e veshjeve, dua t’i godas me shkop bejsbolli në gojën e tij”.
/Telegrafi/