Neymari largohet nga skuadra e PSG-së, Reali e Barcelona fërkojnë duart

Neymar është lënë jashtë skuadrës së Paris Saint-Germian për ndeshjen ndaj Toulouses, derisa spekulimet për të ardhmen e tij rriten.

Lojtari 27-vjeçar ende nuk e ka bërë një paraqitje të vetme në këtë sezon, pasi që e dëshiron rikthimin në Spanjë.

Real Madridi dhe ish-klubi i tij Barcelona, janë duke i kërkuar shërbimet e sulmuesit brazilian, ndërsa edhe PSG-ja është pajtuar ta shesë në këtë afat kalimtar.

Trajneri i kampionit nga Ligue 1, Thomas Tuchel, ka zbuluar se Neymari nuk do të luajë në asnjë ndeshje derisa e ardhmja e tij nuk sqarohet.

Lexo po ashtu Trajneri i PSG-së, Tuchel: Neymari nuk do të luajë derisa situata të qartësohet

Skuadra franceze e dëshiron shitjen e brazilianit në këto ditët e fundit të afatit kalitar, mirëpo ende nuk ka pranuar ofertën e majme.

Reali po ofron Keylor Navasin dhe Luka Jovicin plus para për shërbimet e Neymarit, ndërsa Barcelona e do në formë huazimi me të drejt blerje, opsion ky që po refuzohet nga parisienët që e duan shitje përfundimtare të tij. /Telegrafi/