Sulmuesi i Paris Saint-Germain, Neymar është shprehur i bindur se skuadra e tij do ta eliminojë Real Madridin nga Liga e Kampionëve.
Kampioni i Ligue 1 ka udhëtuar drejt Katarit për të vazhduar fazën përgatitore pas përfundimit të sezonit vjeshtor në Francë dhe nga aty Neymar ka shfrytëzuar rastin të flas për takimin e Ligës së Kampionëve.
Shorti i Ligës së Kampionëve ka dashur që PSG të ballafaqohet me kampionin në fuqi të kësaj lige, Real Madridin, në 1/16-tën, por Neymar beson që skuadra e tij do t’i eliminojë dhe do të kualifikohet tutje.
“Reali i Madridit është një skuadër mjaft e fortë, por jo e pathyeshme. Ata luajnë për shumë vite së bashku dhe e dimë se do të jetë e vështirë”, ka thënë fillimisht Neymar.
“Por, edhe ne jemi një ekip i konsoliduar, me shumë element dhe që mund të bëjnë diferencën”.
“Ne duam të bëjmë historinë dhe do të bëjmë gjithçka të mundur për t’i eliminuar ata”.
“Ata po kërkojnë Ligën e tretë të Ligës së Kampionëve, por e di që ne mund t’i mposhtim ata”.
“Jam i bindur që do t’ia dalim të kualifikohemi më tej”, përfundoi sulmuesi brazilian. /Telegrafi/