Mesfushori i Paris Saint-Germainit, Marco Verratti, është rikuperuar nga një lëndim në ijë dhe do të mund të luajë kundër Barcelonës në Ligën e Kampionëve.
Kampioni francez të martën mbrëma zhvillon ndeshjen e parë të 1/8 së finales në garën e madhe evropiane kundër gjigantit katalunas.
Sfida e parë mes këtyre skuadrave zhvillohet në Camp Nou, ashtu që trajneri Mauricio Pochettino ka nevojë për të gjithë lojtarët e mundshëm.
Megjithatë, Neymar dhe Angel di Maria nuk janë në mesin e 22 futbollistëve të ftuar për ndeshjen e nesërme (e martë).
Skuadra e plotë e Paris Saint-Germainit
Bakker, Diallo, Draxler, Florenzi, Gueye, Herrera, Icardi, Kean, Kehrer, Kimpembe, Kurzawa, Letellier, Marquinhos, Mbappe, Michute, Navas, Paredes, Pereira, Rafinha, Rico, Sarabia, Verratti.
/Telegrafi/