Nicolo Zaniolo mund të largohet këtë verë nga skuadra italiane Roma.
Sulmuesi i talentuar italian ka tri vite që ka zgjuar interesimin e skuadrave të mëdha, por Roma ka rezistuar duke mos e shitur atë.
Megjithatë e ardhmja e tij nuk pritet të jetë te Roma duke marrë parasysh interesimin e skuadrave të shumta për të.
Së fundmi është skuadra angleze Newcastle United që i është bashkuar garës me Milanin dhe Juventusin për të nënshkruar me Zaniolon.
‘Laraskat’ nuk e kanë problem punën e parave dhe duan të kenë në radhët e veta futbollistë të talentuar dhe me të ardhme të ndritur.
La Gazzetta dello Sport ka raportuar se klubi anglez është gati të ofrojë deri në 60 milionë euro për transferimin e Zaniolos.
Kujtojmë që Roma këtë afat kalimtar ka refuzuar dy oferta të Milanit të cilët ofruan 25 milionë euro dhe një futbollistë për t’i marrë shërbimet e italianit. /Telegrafi/