Gary Neville pohoi se vija sulmuese e Manchester United është më e dobëta në mesin e klubeve të gjashtës së madhe dhe i kërkoi Erik ten Hag që ta adresojë atë në janar.
Djajtë e Kuq pësuan humbjen e tyre të katërt këtë sezon me një disfatë 3-1 jashtë në Aston Villa – e para e tyre në ligë në Villa Park që nga viti 1995.
Treshja e tyre e parë të dielën përbëhej nga Marcus Rashford, Cristiano Ronaldo dhe i riu Alejandro Garnacho.
“Treshja e parë e Manchester United, mendoj se në fakt e thashë javën e kaluar, ata janë më të dobëtit nga top gjashta. Ju mendoni për (Dejan) Kulusevski, Harry Kane dhe Son (Heung-min), Manchester United patjetër do t’i merrte ata tre”.
“Treshja e parë e Arsenalit – (Gabriel) Jesus, (Gabriel) Martinelli dhe (Bukayo) Saka – ata patjetër do t’i merrnin ata para teshes që kanë”.
“Treshja e parë e Liverpoolit, e Darëin Nunez, (Luis) Diaz, (Diogo) Jota, (Mohamed) Salah dhe (Roberto) Firmino, ju patjetër që do të zgjidhnit tre prej tyre mbi cilindo nga United”.
“Chelsea, mendoj se (Raheem) Sterling, (Kai) Havertz dhe (Pierre-Emerick) Aubameyang, ju ndoshta do t’i merrnit edhe ata tre”.
“Unë mendoj se lojtarët e sulmit të Manchester United nuk janë aq të mirë sa duhet të jenë. Ten Hag, mendoj se po merr maksimumin prej tyre”.
“Sërish nuk e di se ku kanë shkuar paratë. Unë ndihem gjithmonë kështu me United, ju shikoni shpenzimet gjatë katër viteve të fundit dhe ato nuk janë ende aq të mira sa duhet të jenë”, ka shtuar më tej Neville.
United ka shënuar golat më të paktë nga çdo skuadër në top gjashtëshen aktuale të Ligës Premier duke realizuar vetëm 18 në 13 ndeshjet e tyre deri më tani.
Manchester City ka arritur më shumë se dyfishin e tyre, ndërsa Arsenali, në krye të ligës, ka shënuar 13 herë të tjera. /Telegrafi/