Chelsea raportohet se është i interesuar për transferimin e Liam Delap nga Ipswich Town, sipas The Athletic.
“Në listën e pesë deri në 10 lojtarëve sulmues që Chelsea vëzhgon dhe/ose dërgon skautët për të parë ndeshjet e tyre, sulmuesi i Ipswich Town, Liam Delap, është shfaqur si një objektiv i ri në muajt e fundit”, raporton mediumi.
“Megjithatë, Ipswich do të ngurrojë të dëgjojë ndonjë ofertë për 21-vjeçarin në mes të sezonit, sepse ata kanë nevojë për të në betejën e tyre për të shmangur rënien nga liga”.
“Një përpjekje tjetër për të blerë Victor Osimhen, një lojtar që ata u përpoqën ta huazonin në fund të afatit të verës, nuk pritet në janar”, ka shtuar më tej The Athletic.
Chelsea do të shkojë me të gjitha forcat në janar për lojtarin, por marrëveshja mund të arrihet vetëm në qershor.
Andaj, Blutë duan që të kenë një paramarrëveshje me Delap, pasi e dinë se duhet të rrisin fondin e lojtarëve, shkaku që do të luajnë edhe në Kupën e Botës për Klube. /Telegrafi/