Talenti i madh i Ajaxit, David Neres nuk e ka përjashtuar një lëvizje në Angli këtë verë.
Neres ka tërhequr interesim të madh nga klube evropiane, në veçanti ato angleze që kanë mbetur të befasuara nga niveli i treguar nga lojtari me Ajaxit.
Liverpooli , Evertoni dhe Arsenali janë vënë pas brazilianit falë formës së tij brilante të treguar në Ligën e Kampionëve dhe Eredivisie këtë sezon.
Sulmuesi anësor brazilian, i cili është i kontraktuar me holandezët deri në vitin 2022, u pyet për të ardhmen e tij pas fitores së Ajaxit ndaj Vitesses këtë javë dhe nuk përjashtoi transferimin në Ligën Premier.
“Kam për të parë se çfarë është më e mira për mua, për karrierën time dhe për familjen time”, ka thënë fillimisht braziliani për Voetbal Primeur.
“Do të shohim se çfarë ka e ardhmja, por kam një kontratë këtu dhe jam i kënaqur këtu”.
“Nuk përjashtoj transferimin në Ligën Premier”, përfundoi Neres. /Telegrafi/