Nënkrytari i Mariupolit, Serhiy Orlov, ka folur me gazetarin e BBC-së, Joel Gunter, që gjendet në Ukrainë.
Orlov i tha atij se negociatat për armëpushim kanë ndodhur gjatë natës, transmeton Telegrafi.
“Marrëveshja është arritur pak orë më parë, por është konfirmuar në ora 9”. Menjëherë kemi filluar me procedurat dhe po mundohemi të nxjerrim sa më shumë njerëz. Kemi aranzhuar transportimin e tyre me 50 autobusë, dhe mendoj se 5 deri në 6 mijë mund të dalin me autobus drejt Zaporzhzhia”, shtoi ai.
“Njerëzit mund të largohen edhe me vetura private. Mendojmë se nga 7 deri në 9 mijë mund të largohen me autobusë dhe vetura private – kuptohet nëse respektohet armëpushimi”, tha ndër tjera Orlov.
Numri i qytetarëve që do të largoheshin nga zonat ku po zhvillohen luftimet, do të ishte më i madh po të udhëtonin me trena, por infrastruktura hekurudhore është shkatërruar nga trupat ruse. /Telegrafi/