Dua Lipa është një ndër këngëtaret më të suksesshme shqiptare në rrafshin ndërkombëtar.
Ajo po vazhdon të argëtojë me paraqitjet publikun brazilian, ku ka nisur një turne të koncertesh.
Në fakt, këngëtarja shqiptare është e ftuara speciale e bendit britanik, Coldplay, i cili do të zhvillojë një numër të madh koncerteve në Brazil.
Së fundi, ata kanë qëndruar në qytetin piktoreskt të Porto Alegres, ku Dua i ka falënderuar për mikpritjen.
“Faleminderit Porto Alegre që po në mbështetni në turneun e Coldplay”, ka shkruar ndër të tjerash Dua në llogarinë personale në Instagram.
Ndryshe, artisja nga prishtinase është nominuar në gjithsej tri kategori në mbrëmjen e madhe të ndarjes së çmimeve “MTV Europe Music Awards” për këngën e saj “New Rules”, i cili deri më tani është shikuar mbi 596 milionë herënë YouTube.
Dua është e nominuar për çmimet: “Artistja e re më e mirë”, “Vepra më e mirë në Britani dhe Irlandë”, si dhe për “Dukjen më të mirë”, në këtë të fundit i bën konkurrencë edhe artistes tjetër nga Kosova, Rita Ora.
Lipa gjithashtu do të dhurojë një performancë spektakolare gjatë mbrëmjes, duke kënduar një kolazh me hitet e saj më të fundit. /Telegrafi/
