Festivali Sunny Hill 2024 po i afrohet me shpejtësi dhe pritshmëritë për këtë ngjarje të madhe muzikore po rriten çdo ditë. Së fundmi, organizatorët e festivalit kanë njoftuar përmes rrjeteve sociale se katër emra të mëdhenj të skenës hip-hop shqiptare do të jenë pjesë e këtij edicioni të shumëpritur.
Bëhet fjalë për MC Kresha dhe Lyrical Son, Ghetto Geasy dhe Capital T, të cilët pritet të sjellin energji të jashtëzakonshme dhe performanca të papërsëritshme në një prej netëve të festivalit, e cila i dedikohet zhanrit rap.
Ata janë katër prej artistëve më të njohur dhe të respektuar në skenën hip-hop shqiptare. Karrierat e tyre të suksesshme dhe albumet e shumta të publikuara i kanë vendosur ata në majën e këtij zhanri muzikor.
Të katër kanë një bazë të madhe fansash dhe janë të njohur për performancat e tyre energjike dhe kreative.
Një prej netëve të festivalit do t’i dedikohet plotësisht zhanrit rap, duke ofruar një mundësi të jashtëzakonshme për adhuruesit e hip-hopit për të shijuar muzikën e tyre të preferuar live.
Performancat e MC Kresha, Ghetto Geasy dhe Capital T pritet të jenë kulmi i kësaj nate, duke sjellë energji dhe emocion të veçantë te publiku.
Sunny Hill Festival 2024 do të mbahet nga data 25 deri më 28 korrik 2024 në Parkun Sunny Hill, në Bërnicë. Ky festival është bërë një nga ngjarjet më të mëdha muzikore në rajon, duke sjellë artistë të njohur ndërkombëtarë dhe vendorë për të performuar para mijëra fansave. /Telegrafi/