Është raportuar se është arritur marrëveshja për zhvillimin e rimeçit ndërmjet Conor McGregor dhe Floyd Mayweather.
Kryeredaktorit i The Sports Journal në Dubai, Omar Al Raisi, kishte bërë të ditur se dy ylli i UFC-së dhe boksieri i famshëm do të ndesheshin në Tetëkëndësh me rregulla të modifikuara të arteve marciale.
“Floyd Mayweather do të ndeshet me Conor McGregor në tetëkëndësh”, kishte shkruar ai duke sqaruar se do të përdoreshin dorëza, nuk do të përdoreshin këpucë dhe se raundi do të zgjaste pesë minuta në kategorinë e lehtë (155).
.@FloydMayweather will fight @TheNotoriousMMA in the octagon. With 4 ounce gloves, no shoes, 5-five minute rounds in 155 division.
No kicks, no take downs, no elbows, no knees. Certain things will be allowed like the clinch. pic.twitter.com/Gmv5koAG00
— Omar Al Raisi (@Dantani) April 8, 2018
Po ashtu, ai ka sqaruar se nuk do të ketë goditje me këmbë, as rrëzime, as bërryla dhe as gjunjë.
Organizatorë të meçit, sipas Al Raisit janë kompania e Mayweatherit, UFC-ja dhe kompania e McGregorit.
Mirëpo, një ditë më pas, Al Raisi i ka ndryshuar fjalët duke thënë se akoma nuk është nënshkruar asgjë dhe se modifikimi i rregullave është vetëm temë diskutimi.
Ai ka pohuar se meçi do të zhvillohet në Tetëkëndësh, pasi askush nuk dëshiron një tjetër duel boksi në ring, por duan t’i shohin dy sportistët duke dueluar në fushën e McGregorit.
Let me clarify. Nothing is approved or signed. The modified rules MMA fight is something that has been discussed.
No one has an interest for another boxing bout & we all know Floyd won't jump into a full MMA fight.
Modified rules generates interest and Conor has better chances pic.twitter.com/Mm0OzfPTbY
— Omar Al Raisi (@Dantani) April 10, 2018
Ndërsa kur është pyetur presidenti i UFC-së, Dana White, në lidhje me modifikimin e rregullave, ai ka mohuar gjithçka në lidhje me këtë temë.
None of that is even close to true. Dumbest shit i have ever heard.
— Dana White (@danawhite) April 10, 2018
Mayweather dhe McGregor u ndeshën në gusht të vitit 2017 në një ring boksi. Duelin e fitoi boksieri amerikan me nokaut teknik në raundin e 10-të.
Sipas ESPN, vetëm për meçin, Mayweatherit i ishin garantuar 100 milionë dollarë, kurse McGregorit 30 milionë dollarë. Ndërsa nga shitja e të drejtave televizive, sponsorët dhe reklamat tjera, që të dy fituan trefish më shumë nga marrëveshja bazë.
Që nga ajo kohë është spekuluar se dy sportistët do të zhvillonin një rimeç, por kësaj radhe me rregulla të UFC-së dhe tashmë duket se diçka e tillë është shumë afër që të ndodhë.
CBS dhe Daily Mail kanë raportuar se shuma bazë e duelit të dytë mes Mayweather dhe McGregor do të jetë deri në 300 milionë dollarë. /Telegrafi/