Moderatorja e njohur, Luana Vjollca, shpeshherë ka qenë pjesë e spekulimeve në faqet rozë lidhur me jetën e saj private.
Nuk kanë munguar edhe thashethemet që i komentonin udhëtimet e shpeshta drejt Kosovës, ndërsa biondja e popullarizuar ka vendosur t’u japë përgjigje.
Gjatë emisionit festiv të “Shiko Kush Luan”, ajo ka zgjedhur të bëjë një auto-intervistë duke dalë përballë vetes (përmes montazhit).
Dhe padyshim se nuk mund t’i shpëtonte pyetjes nëse është e dashuruar, kurse përgjigja e menjëhershme ishte: “Po”.
Natyrisht, vazhdoi ‘sqarimin’ duke lënë sërish gjithçka të paqartë: “Po besoj ju e dini të gjithë me kë jam, pse duhet ta them prapë, sa herë duhet ta them? E dini apo se dini?”.
“Jam e dashuruar me punën, me ty! Je e mirë thellë, thellë, po të të njohin mirë je e lezetshme, gocë e mirë, ke disa parime të lezetshme, rri në shtëpi, shko dil ndonjëherë, bëj ndonjë gjë në jetë…”, ka theksuar Luana.
Edhe pyetjes lidhur me udhëtimet në Kosovë i është shmangur duke komentuar formatin e emisionit dhe qasjen ndaj mysafirëve. /Telegrafi/