Kombet e Bashkuara kanë mohuar se stafit të tyre u është thënë të mos përdorin fjalët “luftë dhe pushtim”, sa i përket konfliktit në Ukrainë, shkruan The Guardian.
Në një e-mail dërguar redaksisë së medias britanike, zëdhënësi i Kombeve të Bashkuara, Stephane Dujarric, tha se “stafi nuk është këshilluar të mos përdorin fjalë si lufta apo pushtimi”.
Ai madje i është referuar postimit të fundit në Twitter të diplomates amerikane Rosemary DiCarlo në Kombet e Bashkuara, ku ndër tjera në postim thuhet “kjo luftë është e pakuptimtë”.
Madje The Guardian ka kontaktuar punonjësit në Kombet e Bashkuara, për t’i pyetur për një instruksion të tillë, por edhe ata e kanë mohuar kategorikisht.
Gjatë ditës së sotme ishte raportuar, se punonjësit në Kombet e Bashkuara janë këshilluar që të mos përdorin fjalët luftë dhe pushtim sa i përket situatës në Ukrainë. /Telegrafi/
Nearly two weeks on, it is painfully clear that those suffering the most after Russia's invasion of #Ukraine are civilians – killed, wounded, displaced. This war is senseless. We are ready to support all good-faith efforts at negotiation to end the bloodshed.
— Rosemary A. DiCarlo (@DicarloRosemary) March 7, 2022