Gareth Bale mund të bashkohet me Chelsean, ndërsa Eden Hazard mund të shkojë te Real Madridi, si pjesë e një këmbimi mes klubeve.
Lajmin e jep gazetari i ESPN, Paul Marriner, i cili beson që uellsiani është në vitin e fundit te Real Madridi.
Manchester United ka qenë gjithmonë i lidhur me lojtari, por Jose Mourinho nuk është më i bindur që duhet të nënshkruajë me të.
Në anën tjetër është edhe dëshira e madhe e presidentit të Realit, Florentino Perez, i cili me çdo kusht e do në klubin e tij, asin e Chelseat, Eden Hazard.
Kjo ka bërë që të shtohen zërat për një shkëmbim të mundshëm dhe këtë e përkrahe edhe gazetari Marriner.
Sipas tij Bale nuk ka gjasa që të kalojë te United.
“Nuk e shoh. Me të vërtet nuk e shoh. Nëse Gareth [Bale] largohet nga Real Madrid, e shoh mundësinë që mund të ndodh diçka me Chelsean dhe Eden [Hazardin]”, ka thënë ai.
Hazard është përfolur shumë si transferimi i madh i Real Madridi për sezonin e ri. /Telegrafi/