Phil Foden është mësuar të krahasohet me legjendat e Barcelonës. Që kur ai doli në skenë si 17-vjeçar, njerëzit e kanë quajtur “Stockport Iniesta”.
Megjithatë, pati një kompliment edhe më të madh nga Pep Guardiola, pas derbit të Manchesterit të së dielës.
Trajneri i Citizens përmendi Foden në të njëjtën fjali si Lionel Messi i madh – për shkak të aftësisë së tij në zhvillim për të qenë fitues i ndeshjeve.
Guardiola ishte i shpejtë për të theksuar se ai ende nuk po e vendos asin e Anglisë në të njëjtin nivel me të preferuarin e tij të vjetër te Barcelona.
Në fund të fundit, ai nuk beson se dikush që aktualisht luan në nivelin më të lartë, madje i afrohet fituesit të Kupës së Botës në kulmin e tij.
Por ishte gjithsesi lavdërimi më i lartë – pasi e quajti mesfushorin e Cityt si lojtarin më të mirë në Ligën Premier.
Dhe pasi dy golat e tij në pjesën e dytë e kthyen lojën në favor të skuadrës së tij pasi fituan 3-1 në Etihad, është e vështirë të argumentohet.
“Me lojtarë të mirë, ju mund të luani mirë – por ju duhet të fitoni ndeshje, dhe unë takova lojtarin më të madh ndonjëherë, ashtu sikurse Messi”, ka thënë Guardiola për Daily Mail.
“Ai mund të fitojë ndeshje dhe unë nuk dua të krahasoj sepse Phil është nuk është niveli i Leos, por ai po fiton ndeshje”.
Në anën tjetër, Foden deklaroi: “Në asnjë mënyrë? Nuk mund të krahasoni askënd me Messin se ai është në botën e tij, por të dëgjosh këtë nga trajneri është shumë bukur”.
Anglezi duket se është ende me këmbë në tokë, dhe tregon se duhet të punojë ende shumë për të arritur në nivelet e argjentinasit. /Telegrafi/