Doktoresha Rukije Mehmeti në një podcast në Telegrafi.com ka folur për ndikimin që ka ndotja e ajrit në mushkëri.
Mehmeti në podcastin “Shëndeti në rend të parë” ka thënë se ndotja e ajrit ndikon shumë në jetën e përditshme.
“Ndotja e ajrit ndikon shumë në jetën e përditshme. Mendohet se një person që jeton 10 vjet në një ambient të ndotur do të fillojë me zhvillu sëmundje kronike të mushkërive. Problemet e para janë ato ngacmimet e kollës kur dalim jashtë, më vonë mund të shkojë me zënie të frymës.
Por, këtë më së shumti e përjetojnë personat që kanë problemet me mushkëri, sidomos astmatikët dhe të sëmurit kronikë”, tha doktoresha.
Tutje pulmulogia Mehmet rekomandon mbajtjen e maskës, ndërsa thekson se fëmijët nuk duhet të dalin jashtë kur ndotja e ajrit është e shprehur.
Podcastin e plotë mund ta shikoni më poshtë. /Telegrafi/
