Më 30 tetor 2021, Sergio Aguero luajti ndeshjen e tij të fundit për Barcelonën, por po ashtu edhe në karrierën e tij pasi u diagnostikua me aritmi kardiake, një sëmundje e zemrës.
Duke shpjeguar se çfarë ndodhi gjatë atyre momenteve pikëlluese në atë pjesë të parë kundër Alaves në Camp Nou, Aguero tregon se ndjeu sikur muret e jetës po mbylleshin mbi të.
“Ndjeva sikur po mbytesha, nuk ndjeja dhimbje. Kisha shumë presion në kokë. Mendova se isha i sëmurë fizikisht dhe thash: “Jam shumë keq”.
“Kërceva për një goditje me kokë dhe fillova të kisha marra mendje. Më dukej sikur do më binte të fikët dhe doja të qetësohesha”.
“Doja të thosha diçka dhe fjalët nuk më dolën. E kapa për dore kapitenin e Alaves si për të thënë: Ndalo lojën”.
“Kur u qetësova, ndjeva se zemra ime filloi të rrihte më shpejt. Këtu më kapi sulmi i aritmisë. Një javë më parë më kishte ndodhur në stërvitje, por kishte vetëm 20 sekonda”, ka treguar Aguero.
Aguero mori trajtimin më të mirë për gjendjen e tij të zemrës, por mjekët e këshilluan atë të linte futbollin pas kësaj.
Sulmuesi argjentinas ishte i pandalshëm në Ligën Premier me Manchester Cityn ku shënoi 260 gola, ndërsa te Barça pas pesë paraqitjeve kishte vetëm një gol. /Telegrafi/