Alexei Navalny nga opozita ruse dhe njëherit kritik i ashpër i Vladimir Putinit, ka publikuar një mesazh të fuqishëm në Twitter – ku u bënë thirrje demonstruesve në mbarë Rusinë që të vazhdojnë të protestojnë kundër invazionit rus në Ukrainë.
Navalny i cili prej një viti qëndron prapa grilave dhe që më herët ishte helmuar dhe akuzonte Kremlinin se qëndron prapa sulmit të tij, tha se “Ne – Rusia, duam të jem një komb i paqes. Por pak njerëz në botë mund të na quajnë kështu tani”, ka shkruar Navalny.
Ai madje bëri thirrje që “rusët të mos jenë komb i frikës dhe heshtjes, dhe të mos sillen sikur nuk po e shohin luftën”.
“Është dekada e tretë e shekullit XXI, dhe po vazhdojmë të shikojmë lajme për njerëzit që po vriten, tanket dhe shtëpitë po digjen. Jemi dëshmitarë i kërcënimit për një luftë bërthamore”, shtoi ai. /Telegrafi/
1/12 We – Russia – want to be a nation of peace. Alas, few people would call us that now.
— Alexey Navalny (@navalny) March 2, 2022