NATO ka bërë thirrje për t’i siguruar Ukrainës raketa me rreze të mesme veprimi, të cilat kanë një distancë veprimi prej 1000 deri në 5500 kilometra.
Ky veprim është pjesë e një strategjie më të gjerë të aleancës për të mbështetur ukrainasit në luftën kundër agresionit rus dhe për të forcimin e sigurisë në rajon.
Aleanca ka miratuar një rezolutë të re, që parashikon mundësinë e transferimit të raketave me rreze të mesme në Ukrainë. Ky është një hap i rëndësishëm, pasi raketat me këtë lloj veprimi mund të ndihmojnë në mbrojtjen më efikase të Ukrainës dhe në ndërmarrjen e operacioneve të sulmit në distanca më të gjata, duke ofruar një forcë shtesë përballë sulmeve nga forcat ruse.
Në veçanti, kjo mund të përfshijë raketat Tomahawk, një sistem raketor me rreze të gjatë që është përdorur më parë nga ushtria e SHBA-së dhe aleatët e saj.
Këto raketa janë të njohura për saktësinë dhe aftësinë për të goditur cakë të ndryshme me një gamë të gjerë, duke e bërë atë një mundësi tërheqëse për Ukrainën.
Kërkesa për këto raketa ishte bërë më parë nga presidenti ukrainas, Volodymyr Zelensky, i cili e ka përfshirë këtë si pjesë të “Planit të Fitores” për të forcuar mbrojtjen dhe sulmet ndaj forcave ruse.
Këto raketa përmbushin kriteret e përcaktuara nga rezoluta e NATO-s, dhe përfaqësojnë një avancim të mëtejshëm në ndihmën që aleanca ofron për Ukrainën.
Në këtë kuadër, është e mundur që vendet anëtare të NATO-s të kontribuojnë me furnizime të ndryshme ushtarake për t’u siguruar që Ukraina të ketë mundësi të mbrojë territorin e saj dhe të vazhdojë të luftojë kundër agresionit të vazhdueshëm të Rusisë, i cili ka filluar më 24 shkurt të vitit 2022. /Telegrafi/
