Keith Kellogg, i dërguari special i SHBA-së në Ukrainë, në selinë e NATO-s në Bruksel mbajti një fjalim para të pranishmëve për të përçuar mesazhin e presidentit amerikan Donald Trump.
Ai këmbënguli se askush nuk do t’i impononte një marrëveshje paqeje Volodymyr Zelenskyt dhe u zotua të dëgjojë “pikat e diskutimit” nga të gjitha palët, transmeton Telegrafi.
NATO tani ka lëshuar një deklaratë në lidhje me vizitën dhe takimin e Kellogg me Sekretarin e saj të Përgjithshëm, Mark Rutte, së bashku me zyrtarë të tjerë.
“Rutte tha se takimi kishte “siguruar një mundësi tjetër për të harmonizuar të menduarit se si të mbështesim më mirë një paqe të qëndrueshme”, tha një zëdhënës i aleancës ushtarake.
Pas takimit me zyrtarët e NATO-s këtë mëngjes, Rutte udhëtoi për në Paris për samitin me liderë të tjerë evropianë dhe figura të larta. /Telegrafi/