Napoli ka marrë pikë të plota në San Siro (2-1) ndaj Milanit për ta barazuar Atalantan në krye të tabelës së Serie A.
Olivier Giroud pati ndër mundësitë më të mira të gjysmës së parë, e cila përfundoi me rrjetat e paprekura.
Dhjetë minuta brenda gjysmës së dytë u zhbllokua rezultati, ndërsa ishin mysafirët ata që e gjetën golin.
Një ndërhyrje në Khvicha Kvaratskhelia, pas konsultimit të VAR-it, gjyqtari e ndëshkoi me penallti, ndërsa i saktë nga pika e bardhë u tregua Matteo Politano (55’).
Nuk vonoi reagimi i Rossonerëve, të cilët e barazuan rezultatin me golin e Olivier Giroud, i cili u asistua nga Theo Hernandez (69’).
Porse Partenopei kishin udhëtuar në Milano për pikë të plota dhe këtë e bënë të qartë duke e rikthyer avantazhin përmes Giovanni Simeones, i cili u gjet i pamarkuar pas asistimit nga Mario Rui (78’).
Pas kësaj fitoreje, Napoli ka marrë kreun e tabelës së Serie A me 17 pikë, aq sa ka edhe Atalanta një vend më poshtë, derisa Milani është në vend të pestë me 14 pikë. /Telegrafi/
Khvicha Kvaratskhelia wins the penalty!! Matteo Politano converts it to give Napoli the lead!!!pic.twitter.com/vGdgLqF0OC
— Football Report 🕊☮️🌍🌎🌏 #BerhalterOut (@FootballReprt) September 18, 2022
.@_OlivierGiroud_ HUGE goal in a big game for Milan AGAIN. 7th start in a row too. 8 G/A in his last 9 starts Incredible player 📍pic.twitter.com/Z44vcufSsZ
— Dubois (@CFCDUBois) September 18, 2022