Sky Sport Italia raporton se Napoli ka dërguar një ofertë hapëse ‘verbale’ për të nënshkruar me Romelu Lukakun nga Chelsea.
Transmetuesit italian raportojnë se propozimi vlen 25 milionë euro plus 5 milionë në shtesa.
Drejtorët e Napolit presin një përgjigje nga Stamford Bridge në orët në vijim. Përndryshe, ata do t’i përdorin këto para për të nënshkruar me David Neres nga Benfica.
Il Mattino dhe Sport Mediaset raportuan më herët sot se Aston Villa ishin gati për të përmbushur klauzolën prej 43 milionë eurosh të Lukakut, por ish-sulmuesi i Interit dhe Romës donte vetëm të transferohej në Stadio Maradona për t’u ribashkuar me Antonio Conten.
Oferta e Napolit për Lukakun do të thotë se ata nuk do të presin shitjen e Victor Osimhen përpara se të nënshkruajnë me sulmuesin belg.
Osimhen dëshiron të largohet nga Partenopei dhe nuk është përfshirë në asnjë ndeshje parasezonale, por asnjë klub nuk e ka arritur ende klauzolën e tij prej 130 milionë euro.
Mediume të tjera në Itali sugjerojnë se Napoli dëshiron të transferojë Lukakun në huazim me detyrimin për të blerë në lidhje me kualifikimin e tyre në Ligën e Kampionëve në sezonin 2024-25. /Telegrafi/